🌎🌎
- R. Lalhmangaihzuala
General Secretary,
Mizoram Journalist Association (MJA) Hqrs. Aizawl
"...NEIGRIHMS Hospital an dinna cheng vbc 500 leh Falkawn IR Camp oh, Referral Hospital dinna sum hi a inzat a ni awm e. An sak hun pawh a in ang vel ang, NEIGRIHMS hi 1997 velah cheng vbc 422.60 senga din a ni a,"
NEIGRIHMS Hospital Shillong Kawtah
Friday, 10.06.2011: I&PR Minister Pu Zodintluanga’n MJA te hma min lakpuina a zarah NE State Press Tour Batch hnihin kan kal kha a ni a. Batch khatna ten Arunachal an tlawh hnuah keini team chuan Vanghmun aá¹anga á¹anin chenna ngai loh ram Tripura khawpui Agartala kan fan hnuah Guwahati-ah thlawk thlain, kan kawmthlang lawka Hospital changkang em em mai, pawisa senso awm mumal silo, North Eastern Indira Gandhi Regional Institute of Health & Medical Science (NEIGRIHMS) an tih chu May 28.2011 (Inrinni) khan kan tlawh a. Shillong aá¹anga km 6 vel, daifem hmun fal nuam tak Mawdiangdiang-a awm a ni a. Prime Minister anih laiin Rajiv Gandhi khan a nu Pi Indira Gandhi hriatrengna atana a ruahman, a kalsan tak a nupui UPA Chairperson Sonia Gandhi-in Dt 5.3.2010-a a hawn a ni a, Autonomous Insitution nisiin Central sawrkar (Ministry of Health & Family Welfare) senso vek, Prime Minister Officer (PMO) aá¹anga vil (monitor) a ni bawk a, ka tan chuan an engkim mai hi a ropuiin a á¹ha chungchuang a ni.
He Hospital hi khum 500 awmna a niin damlo enkawlna khawl a changkan bakah Doctor te hlawh a san bik em avangin (Thawktute thlakhat hlawh hi cheng vbc 4 chuang a ni) Doctor á¹ha á¹ha an thlang thei emaw tihtur an ni a. Tunah hian MBBS leh BSc Nursing seat 50 ve ve zir theihna a awm bakah Postgraduate (Specialist MD/MS) zirna siam a ni a, hetiang zirna hi India-ah chuan AIIMS leh PGIMER Chandigarh-ah chauh ala awm a, India rama Institution 3-na a ni.
Daniala leh Phukan-a te nen
Mizoram Journalist ten tlawh kan tum tih hrilh an nih hnuah Medical Suprerintendent Prof. Dr AC Phukan chu a lo phur ve hle tih kan thlen hnua a khawsak vel danah a lang a. Dar 10 am-a thleng tura tih kan nih laiin kan motor hman tur a muan avangin kan tlai deuh a. Hospital kawtah chuan palian hmelá¹ha vehvawh Dr Daniala leh á¹hian ten min lo hmuak a. Kan phur lutuk nge ni, kan zawt nghal mawlh mawlh a ni ber a. Thlalak an phal lo tih hre lovin kan hmet nghal miah miah a, Pu Daniala chuan a kawt laia lak chu min phal sak ta a.
Medical Superintendent chuan an Hospital chu a chhuang hle mai a. Sumah an buai ve si lo a, ala naupan tehreng nen India rama Hospital á¹ha ber ni chho nghalin ‘Excellence for Medical Education & Human Resource Development’ tih an ni nghal a. Dept 35 awm tura ruahman a nih laiin tunah hian 17 a awm tawh a, nitin thuam thar zelin chak takin a á¹hang mek tihte hrilh kan ni a. Shillong YMA te nen inkawm leh tur kan nih avangin kan hmanhmawh ru viau nain kan pu ber (Supdt.) khan inkawmna chu duh tawk mai lovin ala tui hle a, chumi hnuah chuan room hrang hrang min fanpui ta hrep mai bawk a, a hlawk thlak tak meuh a ni. Thawktu Doctor te ngei ngei pawhin Hospital Security te hmaah an ID card an phawrh ngai ziah á¹hin chu Security officer pakhatin kan hma a hruai bawk a, kan tlang zar zar mai.
An thiamna a ril
Medical thil hi chu keini mimawl tan chuan sawifiah harsa a ni bawk a, an á¹hat bikna pawh hi sawithiam a harsa viau. Sum lamah buaina an neih loh bakah Prime Minister Officer aá¹anga vil an ni bawk a, an hmanrua reng reng hi a changkang em em vek a, MRI khawl ringawt pawh khawvela á¹ha ber nia an ngaih Germany siam cheng vaibelchhe 10 man an lei thei a, lung lam bikin ICU an tih mai ICCU te pawh an nei nual a ni. Taksa chhung na lai pawh an hmu awlsam a, thluaka thi tling (bleeding) te pawh hi a enna an neih á¹hat avangin zai lovin an ti dam thei a, Football khel mite inhliamna ril tak tak pawh hi awlsam takin an hmuin an tidam thei, heti lamah phei chuan AIIMS aiin an changkang zawk nia ngaih an ni.
Room changkang
Hospital tinah hian Ward enkawltu Nurse duty room a awm vek a. NEIGRIHMS-a an Nurse duty room tih dan erawhchu a danglamin, a a á¹ha bik hle. Damlo mutna hi room hran hran an siam nain an vaiin Nurse duty room a\angin damlote hi an hmuh theih vek a, damlote erawhchu mahni room a mite bak an inhmu thei lo. Hei ringawt pawh hi India ram khawi Hospital-ah mah la awm ngai lo a ni a, a dintute hian an ti mai mai lo tih a chiang em em a ni.
Mizo an langsar
NEIGRIHMS-ah hian Mizo thawk an tam ve bakah Doctor lamah hian a hotu leh thiam langsar lam an nih nual avangin Mizo tan a thlamuan thlak hle mai a. Dr Daniala sawi dan chuan an patient ni lemlo pawh Mizo an nih chuan Mizo thawktute hian tlawh ve mai an hrat deuh avangin hnamdang hian a chhan zawh an ching deuh a, “Kan inchhung vek a lawm” tiin an chhang vel mai mai a ni awm e.
Tunah hian Mizo Doctor 10 leh Technician 4 an awm mek bakah Nurse hi mi 40 vel an awm a, Zo hnahthlak kan tihte nen phei chuan Nurse hi 80 vel lai an awm turah an inngai.
Pan tlak si pan loh si
He Hospital hi referral hospital a ni a, NE State a mite tan bika siam a ni a, a pantu apiang ta a ni mai. A damdawi in leh a hmanrua a changkangin thawktute an thiam mai piah lamah senso a tlem em em a, BPL tan chuan engkim a free vek a, BPL lo tan pawh awm man, chaw ei man, Doctor rawn man leh damdawi man zawng zawng a thlawnin a dawn theih vek a, khawl á¹henkhat hmanna man erawh a hming maiin an la ve thung. Hmun hla deuh aá¹anga pantu damlote chu Doctor te pawhin priority pein admit an tum tlangpui niin an sawi. Lung pawp damlo 1 an enkawl dam pawhin Rs 1000 pawh a seng tling lo, hmun dangah kal se cheng nuai 4/5 seng ngei tur a ni a, a chhungte lawm lutuk chu an mittui a tla hial a ni.
Mizoram-in phai lama damlo kan refer nasat zia leh heta tan hian sawrkar a insen nasat zia kan hria. AIIMS ai pawha á¹hat zawkna tam tak nei NEIGRIHMS erawhchu Mizoram aá¹anga pantu kan la tlem em em mai a, sawrkar hnathawk refer phei chu an la awm miah lo ni hiala sawi an ni. Mizo thawktu á¹henkhat chuan tihel deuhin “Keini ai chuan private Hospital AMRI tih vela inthawn te hi a hlawk pawh a ni mai thei a sin” tite pawh an awm. Senso lamah chuan AMRI (Kolkata) Hospital-a cheng nuai 1 senna angah cheng sang 1 pawh an seng dawn lo a, facility lamah a changkang zawk daih bawk si, State dangin an pan ruih ruih a, keini erawhchuan kan pan si lo!
Vanapa Hall
Dr Daniala hian min hruai nasa a, kan hmuh chak tur zawngin “Hawh u, kan Vanapa Hall en r’u” te a ti a, kan zui dawr dawr mai a. An hall lenzia leh a chhung carpet changkan dan te, light leh sound system te chuan ‘neilo chung chunga din’ a ni lo tih a tichiang hle. A pawn lam a\anga engmah lo, chhung lama ropui em em siin an hall hi an siam a, shillong-a thil tihpui deuhna atan an hman tir fo á¹hin.
Class room chhung erawhchu a lian lem lo a, zirlaite á¹hutna chair a awm a, hmaa mite chair hnungah chuan kawih chhoh zeuhin dawhkan a lo chhuak thei. Zirtirtu (faculty) ten white board-a an thil ziah chu computer-ah a in safe thei bawk.
Sum inzat Referral á¹heuh á¹heuh
Mizoram-in a thlawn liau liau a Delhi drip a dawn, Falkawn Referral Hospital dinhmun hi sawi a nuam lo a, tunah phei chuan 5th IR in an la luah mek a, chu phei chu state dang hian min hriat sak loh nan kamtam loh zir tlang ila. Kan sawi zen zen lo bawk a, tunah hi chuan eng Hospital emaw dinna tura building han sak chhoh velna atan pawh a itawm ta deuh. Aizawl Civil Hospital hmun a chep tawh tehreng nen, Multipurpose Hall sakna atan lo hmutai an awm vei nen, sawrkar hian Falkawn-a sawn pawh ala tum thut thei a, chuta tan chuan la sak chhunzawm theihin a building te la rintlak tak ang maw?
Ka sawi duah nachhan chu NEIGRIHMS Hospital an dinna cheng vbc 500 leh Falkawn IR Camp oh, Referral Hospital dinna sum hi a inzat a ni awm e. An sak hun pawh a in ang vel ang, NEIGRIHMS hi 1997 velah cheng vbc 422.60 senga din a ni a, anni hi chuan building ropui tak leh changkang tak, a á¹ha ber chi hlir a thuam an sak theih bakah, a bul maiah hian thawktute quarter a tlep tuar mai bawk a. A satute hian Missionary chawmna tur kan inhlep hnem hleih deuh ni maw?
Room kan fannaah Dr Stephen Lalfakzuala Sailo ka hmu a, a fiamthu duh dan ala ngai reng. Kan kal chhan min zawt a, “Senso a tlem si a Mizoram tan kan rawn zir chiang a ni” ka ti a. “Pan a ngai hleinem neih ve mai tur a lawm” a lo awlsam et a. A hnuah midangin “Pawisa sanction inzat rengah in chhuah ho em a lawm” an lo ti bawk a, chhanna tur ka hre tawh lo. Mak ve tak a ni BSc Nursing zirna seat 50 awm hi tute state mahin quota kan nei lo, open-a chuh vek tur a nih vang ni maw, Mizo nula zir an awm meuh lo, an awm miah lo an ti zawkin ka hria. MBBS seat 50 awmah erawh hi chuan NE state-a Medical College neilo state te tan mihring tam dan a zirin seat tlem reserve a ni a, Mizoram pawhin seat 3 kan nei, a bak zawngah hian India ram pumin open-a chuh tura siam a ni.
Mak ta ber zawk chu, Mizoram-a Entrance test-a inziak tling lo (tla) á¹henkhat chu NEIGRIMS-ah hian MBBS zir turin an inziak tling tlat mai a. Mizoram-a tling lo, khuta inziak tling tate hi an zirhonaah chuan a thiam thiam an la ni zui tih min hrilh. Hetia ka sawi avang hian Mizoram Technical Entrance test rinhlelh phahna atan chuan hmang lem lo ila, ‘amak’tih chinah hian i lungawi tlang ang u. A hnu lamah open-a inziak tling leh chuh ngam an awm mumal ta lo a, Dr Daniala á¹hanhnemngai lutuk chuan “Mizote hian reservation bak kan pha lo a mi?” alo ti khur khur mai a, a hlauhawm roh tak tak a ni.
Khualbuk mawlh hi
NEIGRIHMS hi Mizoten kan la pan tam lo anih pawhin, kan sawi ang hian state dang chuan an pan nasa em em a, keini pawhin reiloteah hian loh theih lohin kan la bawh dawn. A awmna hi hmun fianrial tak anih avangin Shillong thlen hnuah pawh pan a harsa a, damlote insenna ber chu a panna kawng a ni. A hmun thlen hma hian ramruak (In la sak lohna) zau tak ala awm a, state dang Nagaland leh Manipur sawrkar pawhin an ngaihven mek niawmin Shillong Mizo hruaitute chuan an sawi. An sawi dan chuan “ram hi mimal ang chuan neih harsa mahse sawrkar leh sawrkar indawr chuan a harsa lo, tuna hmun awl a tam lai hian Mizoram sawrkar hian ngaihven ve thuai se, khualbuk hi din ta se chuan Mizo mipuite hian kan á¹angkaipui ngawt ang” tih hi ring taka sawi turin Press Tour member te min chah uluk hle a, hetia kan ziah hian nasa takin hotute beng verh se ava nuam dawn em!
- R. Lalhmangaihzuala
General Secretary,
Mizoram Journalist Association (MJA) Hqrs. Aizawl
"...NEIGRIHMS Hospital an dinna cheng vbc 500 leh Falkawn IR Camp oh, Referral Hospital dinna sum hi a inzat a ni awm e. An sak hun pawh a in ang vel ang, NEIGRIHMS hi 1997 velah cheng vbc 422.60 senga din a ni a,"
NEIGRIHMS Hospital Shillong Kawtah
Friday, 10.06.2011: I&PR Minister Pu Zodintluanga’n MJA te hma min lakpuina a zarah NE State Press Tour Batch hnihin kan kal kha a ni a. Batch khatna ten Arunachal an tlawh hnuah keini team chuan Vanghmun aá¹anga á¹anin chenna ngai loh ram Tripura khawpui Agartala kan fan hnuah Guwahati-ah thlawk thlain, kan kawmthlang lawka Hospital changkang em em mai, pawisa senso awm mumal silo, North Eastern Indira Gandhi Regional Institute of Health & Medical Science (NEIGRIHMS) an tih chu May 28.2011 (Inrinni) khan kan tlawh a. Shillong aá¹anga km 6 vel, daifem hmun fal nuam tak Mawdiangdiang-a awm a ni a. Prime Minister anih laiin Rajiv Gandhi khan a nu Pi Indira Gandhi hriatrengna atana a ruahman, a kalsan tak a nupui UPA Chairperson Sonia Gandhi-in Dt 5.3.2010-a a hawn a ni a, Autonomous Insitution nisiin Central sawrkar (Ministry of Health & Family Welfare) senso vek, Prime Minister Officer (PMO) aá¹anga vil (monitor) a ni bawk a, ka tan chuan an engkim mai hi a ropuiin a á¹ha chungchuang a ni.
He Hospital hi khum 500 awmna a niin damlo enkawlna khawl a changkan bakah Doctor te hlawh a san bik em avangin (Thawktute thlakhat hlawh hi cheng vbc 4 chuang a ni) Doctor á¹ha á¹ha an thlang thei emaw tihtur an ni a. Tunah hian MBBS leh BSc Nursing seat 50 ve ve zir theihna a awm bakah Postgraduate (Specialist MD/MS) zirna siam a ni a, hetiang zirna hi India-ah chuan AIIMS leh PGIMER Chandigarh-ah chauh ala awm a, India rama Institution 3-na a ni.
Daniala leh Phukan-a te nen
Mizoram Journalist ten tlawh kan tum tih hrilh an nih hnuah Medical Suprerintendent Prof. Dr AC Phukan chu a lo phur ve hle tih kan thlen hnua a khawsak vel danah a lang a. Dar 10 am-a thleng tura tih kan nih laiin kan motor hman tur a muan avangin kan tlai deuh a. Hospital kawtah chuan palian hmelá¹ha vehvawh Dr Daniala leh á¹hian ten min lo hmuak a. Kan phur lutuk nge ni, kan zawt nghal mawlh mawlh a ni ber a. Thlalak an phal lo tih hre lovin kan hmet nghal miah miah a, Pu Daniala chuan a kawt laia lak chu min phal sak ta a.
Medical Superintendent chuan an Hospital chu a chhuang hle mai a. Sumah an buai ve si lo a, ala naupan tehreng nen India rama Hospital á¹ha ber ni chho nghalin ‘Excellence for Medical Education & Human Resource Development’ tih an ni nghal a. Dept 35 awm tura ruahman a nih laiin tunah hian 17 a awm tawh a, nitin thuam thar zelin chak takin a á¹hang mek tihte hrilh kan ni a. Shillong YMA te nen inkawm leh tur kan nih avangin kan hmanhmawh ru viau nain kan pu ber (Supdt.) khan inkawmna chu duh tawk mai lovin ala tui hle a, chumi hnuah chuan room hrang hrang min fanpui ta hrep mai bawk a, a hlawk thlak tak meuh a ni. Thawktu Doctor te ngei ngei pawhin Hospital Security te hmaah an ID card an phawrh ngai ziah á¹hin chu Security officer pakhatin kan hma a hruai bawk a, kan tlang zar zar mai.
An thiamna a ril
Medical thil hi chu keini mimawl tan chuan sawifiah harsa a ni bawk a, an á¹hat bikna pawh hi sawithiam a harsa viau. Sum lamah buaina an neih loh bakah Prime Minister Officer aá¹anga vil an ni bawk a, an hmanrua reng reng hi a changkang em em vek a, MRI khawl ringawt pawh khawvela á¹ha ber nia an ngaih Germany siam cheng vaibelchhe 10 man an lei thei a, lung lam bikin ICU an tih mai ICCU te pawh an nei nual a ni. Taksa chhung na lai pawh an hmu awlsam a, thluaka thi tling (bleeding) te pawh hi a enna an neih á¹hat avangin zai lovin an ti dam thei a, Football khel mite inhliamna ril tak tak pawh hi awlsam takin an hmuin an tidam thei, heti lamah phei chuan AIIMS aiin an changkang zawk nia ngaih an ni.
Room changkang
Hospital tinah hian Ward enkawltu Nurse duty room a awm vek a. NEIGRIHMS-a an Nurse duty room tih dan erawhchu a danglamin, a a á¹ha bik hle. Damlo mutna hi room hran hran an siam nain an vaiin Nurse duty room a\angin damlote hi an hmuh theih vek a, damlote erawhchu mahni room a mite bak an inhmu thei lo. Hei ringawt pawh hi India ram khawi Hospital-ah mah la awm ngai lo a ni a, a dintute hian an ti mai mai lo tih a chiang em em a ni.
Mizo an langsar
NEIGRIHMS-ah hian Mizo thawk an tam ve bakah Doctor lamah hian a hotu leh thiam langsar lam an nih nual avangin Mizo tan a thlamuan thlak hle mai a. Dr Daniala sawi dan chuan an patient ni lemlo pawh Mizo an nih chuan Mizo thawktute hian tlawh ve mai an hrat deuh avangin hnamdang hian a chhan zawh an ching deuh a, “Kan inchhung vek a lawm” tiin an chhang vel mai mai a ni awm e.
Tunah hian Mizo Doctor 10 leh Technician 4 an awm mek bakah Nurse hi mi 40 vel an awm a, Zo hnahthlak kan tihte nen phei chuan Nurse hi 80 vel lai an awm turah an inngai.
Pan tlak si pan loh si
He Hospital hi referral hospital a ni a, NE State a mite tan bika siam a ni a, a pantu apiang ta a ni mai. A damdawi in leh a hmanrua a changkangin thawktute an thiam mai piah lamah senso a tlem em em a, BPL tan chuan engkim a free vek a, BPL lo tan pawh awm man, chaw ei man, Doctor rawn man leh damdawi man zawng zawng a thlawnin a dawn theih vek a, khawl á¹henkhat hmanna man erawh a hming maiin an la ve thung. Hmun hla deuh aá¹anga pantu damlote chu Doctor te pawhin priority pein admit an tum tlangpui niin an sawi. Lung pawp damlo 1 an enkawl dam pawhin Rs 1000 pawh a seng tling lo, hmun dangah kal se cheng nuai 4/5 seng ngei tur a ni a, a chhungte lawm lutuk chu an mittui a tla hial a ni.
Mizoram-in phai lama damlo kan refer nasat zia leh heta tan hian sawrkar a insen nasat zia kan hria. AIIMS ai pawha á¹hat zawkna tam tak nei NEIGRIHMS erawhchu Mizoram aá¹anga pantu kan la tlem em em mai a, sawrkar hnathawk refer phei chu an la awm miah lo ni hiala sawi an ni. Mizo thawktu á¹henkhat chuan tihel deuhin “Keini ai chuan private Hospital AMRI tih vela inthawn te hi a hlawk pawh a ni mai thei a sin” tite pawh an awm. Senso lamah chuan AMRI (Kolkata) Hospital-a cheng nuai 1 senna angah cheng sang 1 pawh an seng dawn lo a, facility lamah a changkang zawk daih bawk si, State dangin an pan ruih ruih a, keini erawhchuan kan pan si lo!
Vanapa Hall
Dr Daniala hian min hruai nasa a, kan hmuh chak tur zawngin “Hawh u, kan Vanapa Hall en r’u” te a ti a, kan zui dawr dawr mai a. An hall lenzia leh a chhung carpet changkan dan te, light leh sound system te chuan ‘neilo chung chunga din’ a ni lo tih a tichiang hle. A pawn lam a\anga engmah lo, chhung lama ropui em em siin an hall hi an siam a, shillong-a thil tihpui deuhna atan an hman tir fo á¹hin.
Class room chhung erawhchu a lian lem lo a, zirlaite á¹hutna chair a awm a, hmaa mite chair hnungah chuan kawih chhoh zeuhin dawhkan a lo chhuak thei. Zirtirtu (faculty) ten white board-a an thil ziah chu computer-ah a in safe thei bawk.
Sum inzat Referral á¹heuh á¹heuh
Mizoram-in a thlawn liau liau a Delhi drip a dawn, Falkawn Referral Hospital dinhmun hi sawi a nuam lo a, tunah phei chuan 5th IR in an la luah mek a, chu phei chu state dang hian min hriat sak loh nan kamtam loh zir tlang ila. Kan sawi zen zen lo bawk a, tunah hi chuan eng Hospital emaw dinna tura building han sak chhoh velna atan pawh a itawm ta deuh. Aizawl Civil Hospital hmun a chep tawh tehreng nen, Multipurpose Hall sakna atan lo hmutai an awm vei nen, sawrkar hian Falkawn-a sawn pawh ala tum thut thei a, chuta tan chuan la sak chhunzawm theihin a building te la rintlak tak ang maw?
Ka sawi duah nachhan chu NEIGRIHMS Hospital an dinna cheng vbc 500 leh Falkawn IR Camp oh, Referral Hospital dinna sum hi a inzat a ni awm e. An sak hun pawh a in ang vel ang, NEIGRIHMS hi 1997 velah cheng vbc 422.60 senga din a ni a, anni hi chuan building ropui tak leh changkang tak, a á¹ha ber chi hlir a thuam an sak theih bakah, a bul maiah hian thawktute quarter a tlep tuar mai bawk a. A satute hian Missionary chawmna tur kan inhlep hnem hleih deuh ni maw?
Room kan fannaah Dr Stephen Lalfakzuala Sailo ka hmu a, a fiamthu duh dan ala ngai reng. Kan kal chhan min zawt a, “Senso a tlem si a Mizoram tan kan rawn zir chiang a ni” ka ti a. “Pan a ngai hleinem neih ve mai tur a lawm” a lo awlsam et a. A hnuah midangin “Pawisa sanction inzat rengah in chhuah ho em a lawm” an lo ti bawk a, chhanna tur ka hre tawh lo. Mak ve tak a ni BSc Nursing zirna seat 50 awm hi tute state mahin quota kan nei lo, open-a chuh vek tur a nih vang ni maw, Mizo nula zir an awm meuh lo, an awm miah lo an ti zawkin ka hria. MBBS seat 50 awmah erawh hi chuan NE state-a Medical College neilo state te tan mihring tam dan a zirin seat tlem reserve a ni a, Mizoram pawhin seat 3 kan nei, a bak zawngah hian India ram pumin open-a chuh tura siam a ni.
Mak ta ber zawk chu, Mizoram-a Entrance test-a inziak tling lo (tla) á¹henkhat chu NEIGRIMS-ah hian MBBS zir turin an inziak tling tlat mai a. Mizoram-a tling lo, khuta inziak tling tate hi an zirhonaah chuan a thiam thiam an la ni zui tih min hrilh. Hetia ka sawi avang hian Mizoram Technical Entrance test rinhlelh phahna atan chuan hmang lem lo ila, ‘amak’tih chinah hian i lungawi tlang ang u. A hnu lamah open-a inziak tling leh chuh ngam an awm mumal ta lo a, Dr Daniala á¹hanhnemngai lutuk chuan “Mizote hian reservation bak kan pha lo a mi?” alo ti khur khur mai a, a hlauhawm roh tak tak a ni.
Khualbuk mawlh hi
NEIGRIHMS hi Mizoten kan la pan tam lo anih pawhin, kan sawi ang hian state dang chuan an pan nasa em em a, keini pawhin reiloteah hian loh theih lohin kan la bawh dawn. A awmna hi hmun fianrial tak anih avangin Shillong thlen hnuah pawh pan a harsa a, damlote insenna ber chu a panna kawng a ni. A hmun thlen hma hian ramruak (In la sak lohna) zau tak ala awm a, state dang Nagaland leh Manipur sawrkar pawhin an ngaihven mek niawmin Shillong Mizo hruaitute chuan an sawi. An sawi dan chuan “ram hi mimal ang chuan neih harsa mahse sawrkar leh sawrkar indawr chuan a harsa lo, tuna hmun awl a tam lai hian Mizoram sawrkar hian ngaihven ve thuai se, khualbuk hi din ta se chuan Mizo mipuite hian kan á¹angkaipui ngawt ang” tih hi ring taka sawi turin Press Tour member te min chah uluk hle a, hetia kan ziah hian nasa takin hotute beng verh se ava nuam dawn em!
No comments:
Post a Comment